Hobbien:

Musek (Saxophon), Schreiwen, Liesen, Fotoen,  PC, Esotherik (Spiritualitéit)

Musek:

1. Präis am Solfège (Romain Becker), 1. Accessit um Saxophon (Guy Goethals) an 1. Mentioun Musique de Chambre Saxophone (David Reiland).

Schreiwen:

Ech schreiwe vill an eiser Sprooch, déi mech  faszinéiert. Normalerweis schreiwen ech Gedichter, Geschichten, Texter ... haapsächlech fir meng francophone Frënn déi eis Sprooch gär wëlle léieren, souwéi och Texter an Artikelen fir verschidde Veräinszeitungen. Aus Spaass, perséinlech Zeitungen a Bliedercher fir Frënn zu alle Geleënheeten.

D'Iddie fir en Theaterstéck ze schreiwen koum  2001 wéi d'Ugda ee Concours ausgeschriwwen hat. De Courage fir matzemaachen hat ech am Fréijoer 2002  an hunn dat Stéck "Den Onstierfléchen" ageschéckt. Ech krut zwar kee Präis, hu mech dun awer rieseg gefreet wéi d'Jugend vu Nidderwampich-Schoempich mech kontaktéiert huet fir ze froen ob sie mäi Stéck däerfte spillen.

Hinne vun dëser Plaatz aus ee grousse Merci fir d'Première vu mengem éischten Theaterstéck!!!!

Esotherik (Spiritualitéit):

Eis Ärd steigt vun der 3. an déi 5. Dimensioun, ass elo schon an der 4. an ongeféier am Joer 2012 wäert sie déi 5. Dimensioun erreecht hunn. Dëst bewierkt vill Verännerungen ënner anerem och dass de "Schleier" tëschent eiser an der spiritueller Welt ëmmer méi dënn (duerchsiichteg) gëtt. Mech faszinéieren all déi vill Bicher déi et zu dem Thema gëtt awer nach vill méi meng eegen "Ausflich" an aner Dimensiounen oder vergaange Liewen. Déi Techniken déi ech dovir uwenden sinn Channeling a  Schamanesch Reesen.